aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nae sire se koi safar aaghaz nahin karta

Alam Khursheed

nae sire se koi safar aaghaz nahin karta

Alam Khursheed

MORE BYAlam Khursheed

    na.e sire se koī safar āġhāz nahīñ kartā

    jaane kyuuñ ab dil merā parvāz nahīñ kartā

    kitnī burī aadat hai maiñ ḳhāmosh rahtā huuñ

    jab tak mujh se koī suḳhan āġhāz nahīñ kartā

    kaise zinda rahtā huuñ maiñ zahr ko kar ab

    dīvār-o-dar ko bhī to hamrāz nahīñ kartā

    taaza havā ke jhoñke aksar aate rahte haiñ

    āḳhir kyuuñ maiñ apne darīche baaz nahīñ kartā

    jaane kaisā raag bajānā siikh liyā dil ne

    merī sañgat ab koī dam-sāz nahīñ kartā

    ahl-e-hunar āñkhoñ meñ kyuuñ chubhtā rahtā huuñ

    maiñ to apnī be-hunarī par naaz nahīñ kartā

    mujh meñ kuchh hogā to duniyā ḳhud jhuk jā.egī

    maiñ neze par sar apnā afrāz nahīñ kartā

    vaqt ke saare chakkar haiñ ye 'ālam'-jī varna

    yahāñ kisī ko koī nazar-andāz nahīñ kartā

    nae sire se koi safar aaghaz nahin karta

    jaane kyun ab dil mera parwaz nahin karta

    kitni buri aadat hai main KHamosh hi rahta hun

    jab tak mujh se koi suKHan aaghaz nahin karta

    kaise zinda rahta hun main zahr ko pi kar ab

    diwar-o-dar ko bhi to hamraaz nahin karta

    taza hawa ke jhonke aksar aate rahte hain

    aaKHir kyun main apne dariche baz nahin karta

    jaane kaisa rag bajaana sikh liya dil ne

    meri sangat ab koi dam-saz nahin karta

    ahl-e-hunar ki aankhon mein kyun chubhta rahta hun

    main to apni be-hunari par naz nahin karta

    mujh mein kuchh hoga to duniya KHud jhuk jaegi

    main neze par sar apna afraaz nahin karta

    waqt ke sare chakkar hain ye 'alam'-ji warna

    yahan kisi ko koi nazar-andaz nahin karta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now