nae sire se nai rawani mein ja raha tha

na.e sire se na.ī ravānī meñ jā rahā thā

makāñ se apne maiñ lā-makānī meñ jā rahā thā

mujhe to aisā lagā ki sahrā bhī ik galī hai

maiñ apnī vahshat kī be-karānī meñ jā rahā thā

mujhe jo rokā thā nafratoñ ne rukā maiñ pal bhar

mohabbatoñ kī maiñ sargirānī meñ jā rahā thā

safar thā āsāñ usī ne us ko banāyā mushkil

vo zālimoñ kī jo hukmarānī meñ jā rahā thā

usī ne rokā to baat merī samajh meñ aa.ī

maiñ us kī jānib to be-dhyānī meñ jā rahā thā

dukhī thā itnā ki mujh ko kahnā nahīñ thā kuchh bhī

zabāñ ke hote maiñ be-zabānī meñ jā rahā thā

payām aayā ke lauT jaao yahīñ se fauran

maiñ us kī mahfil meñ ḳhush-gumānī meñ jā rahā thā

khulī jo āñkheñ to apne bistar pe maiñ paḌā thā

bhañvar kī jānib maiñ gahre paanī meñ jā rahā thā

nae sire se nai rawani mein ja raha tha

makan se apne main la-makani mein ja raha tha

mujhe to aisa laga ki sahra bhi ek gali hai

main apni wahshat ki be-karani mein ja raha tha

mujhe jo roka tha nafraton ne ruka main pal bhar

mohabbaton ki main sargirani mein ja raha tha

safar tha aasan usi ne us ko banaya mushkil

wo zalimon ki jo hukmarani mein ja raha tha

usi ne roka to baat meri samajh mein aai

main us ki jaanib to be-dhyani mein ja raha tha

dukhi tha itna ki mujh ko kahna nahin tha kuchh bhi

zaban ke hote main be-zabani mein ja raha tha

payam aaya ke lauT jao yahin se fauran

main us ki mahfil mein KHush-gumani mein ja raha tha

khuli jo aankhen to apne bistar pe main paDa tha

bhanwar ki jaanib main gahre pani mein ja raha tha