نفس نفس اضطراب میں تھا
نفس نفس اضطراب میں تھا
میں حلقۂ صد عتاب میں تھا
سبھی نظارے نظر میں گم تھے
کہ سارا منظر حجاب میں تھا
پڑھا تو کچھ بھی نہ ہاتھ آیا
لکھا بہت کچھ کتاب میں تھا
لہو کی آہٹ پہ چونک اٹھا
وہ مدتوں جیسے خواب میں تھا
دلوں میں روشن نئی کہانی
پرانا قصہ کتاب میں تھا
بس اک ہنر تہہ بہ تہہ منور
بس اک سخن انتخاب میں تھا
میں اس کی خوشبو میں گم تھا اخترؔ
وہ میرے غم کے حساب میں تھا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
