nafas nafas mein har ek pal intishaar sa kuchh

nafas nafas meñ har ek pal intishār sā kuchh

lahū kī bārūd meñ dharā hai sharār sā kuchh

tujhe maiñ chhū chhū ke apnī miTTī basā rahā huuñ

ab aa rahā hai zarā zarā e.atibār sā kuchh

hamārī bastī meñ kaun phir mo'atabar rahegā

ki ā.inoñ meñ utar rahā hai ġhubār sā kuchh

añdherī shab meñ charāġh sā jal rahī hai mayyat

ragoñ meñ shāyad ki rah gayā hai sharār sā kuchh

maiñ ek hī kyā vahāñ sabhī zār-zār ro.e

vo khoī khoī bajā rahī thī sitār sā kuchh

charāġh hāthoñ meñ le ke jal-nāriyāñ chalī haiñ

tah-e-samundar dikhā.ī deve dayār sā kuchh

nafas nafas mein har ek pal intishaar sa kuchh

lahu ki barud mein dhara hai sharar sa kuchh

tujhe main chhu chhu ke apni miTTi basa raha hun

ab aa raha hai zara zara eatibar sa kuchh

hamari basti mein kaun phir mo'atabar rahega

ki aainon mein utar raha hai ghubar sa kuchh

andheri shab mein charagh sa jal rahi hai mayyat

ragon mein shayad ki rah gaya hai sharar sa kuchh

main ek hi kya wahan sabhi zar-zar roe

wo khoi khoi baja rahi thi sitar sa kuchh

charagh hathon mein le ke jal-nariyan chali hain

tah-e-samundar dikhai dewe dayar sa kuchh