nafraton ki nai diwar uThate hue log
nafratoñ kī na.ī dīvār uThāte hue log
kyā ajab log haiñ zindān banāte hue log
terā har naqsh miTātī huī yādeñ terī
aur phir mujh ko tirī yaad dilāte hue log
kyā ḳhabar kis ko tire hijr ne baḳhshī hai najāt
jaane vo kaun the ashkoñ meñ nahāte hue log
ab to har-gām pe har moḌ pe mil jaate haiñ
dekh kar mujh ko tirā naam bulāte hue log
dhuup meñ saaya mile bhī to kahāñ se 'sādiq'
jal ga.e phuus ke chhappar ko banāte hue log
nafraton ki nai diwar uThate hue log
kya ajab log hain zindan banate hue log
tera har naqsh miTati hui yaaden teri
aur phir mujh ko teri yaad dilate hue log
kya KHabar kis ko tere hijr ne baKHshi hai najat
jaane wo kaun the ashkon mein nahate hue log
ab to har-gam pe har moD pe mil jate hain
dekh kar mujh ko tera nam bulate hue log
dhup mein saya mile bhi to kahan se 'sadiq'
jal gae phus ke chhappar ko banate hue log
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
