naghma-e-zanjir hai aur shahr-e-yaran in dinon

Ali Sardar Jafri

naghma-e-zanjir hai aur shahr-e-yaran in dinon

Ali Sardar Jafri

MORE BYAli Sardar Jafri

    naġhma-e-zanjīr hai aur shahr-e-yārāñ in dinoñ

    hai bahut ahl-e-junūñ shor-e-bahārāñ in dinoñ

    us vafā-dushman se paimān-e-vafā hai ustuvār

    zer-e-sañg-e-saḳht hai phir dast-e-yārāñ in dinoñ

    mohtasib bhī halqa-e-rindāñ hai ummīd-vār

    kam na ho jaa.e vaqār-e-mai-gusārāñ in dinoñ

    tezī-e-teġh-e-adā shohrateñ haiñ duur duur

    hai bahut ābād kū-e-dil-figārāñ in dinoñ

    dosto pairāhan-e-jāñ ḳhūn-e-dil se surḳh-tar

    baḌh gayā hai iltifāt-e-gul-ezārāñ in dinoñ

    ahl-e-dil par bārish-e-lutf-e-nigāh-e-dil-navāz

    mehrbāñ hai ishq par chashm-e-nigārāñ in dinoñ

    hai gadā-e-mai-kada ke sar pe tāj-e-khusravī

    kūza-gar gil hai ḳhāk-e-shahr-e-yārāñ in dinoñ

    kyā ajab ishrat-kadoñ par bijliyāñ girne lagīñ

    hai bahut sarkash nigāh-e-sogvārāñ in dinoñ

    naghma-e-zanjir hai aur shahr-e-yaran in dinon

    hai bahut ahl-e-junun shor-e-bahaaran in dinon

    us wafa-dushman se paiman-e-wafa hai ustuwar

    zer-e-sang-e-saKHt hai phir dast-e-yaran in dinon

    mohtasib bhi halqa-e-rindan ka hai ummid-war

    kam na ho jae waqar-e-mai-gusaran in dinon

    tezi-e-tegh-e-ada ki shohraten hain dur dur

    hai bahut aabaad ku-e-dil-figaran in dinon

    dosto pairahan-e-jaan KHun-e-dil se surKH-tar

    baDh gaya hai iltifat-e-gul-ezaran in dinon

    ahl-e-dil par barish-e-lutf-e-nigah-e-dil-nawaz

    mehrban hai ishq par chashm-e-nigaran in dinon

    hai gada-e-mai-kada ke sar pe taj-e-khusrawi

    kuza-gar ki gil hai KHak-e-shahr-e-yaran in dinon

    kya ajab ishrat-kadon par bijliyan girne lagin

    hai bahut sarkash nigah-e-sogwaran in dinon

    Source :
    • Book : Kulliyat-e-Ali Sardar Jafri Vol.II (Pg. 287)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now