naghma-e-zanjir hai aur shahr-e-yaran in dinon

naġhma-e-zanjīr hai aur shahr-e-yārāñ in dinoñ

hai bahut ahl-e-junūñ shor-e-bahārāñ in dinoñ

us vafā-dushman se paimān-e-vafā hai ustuvār

zer-e-sañg-e-saḳht hai phir dast-e-yārāñ in dinoñ

mohtasib bhī halqa-e-rindāñ kā hai ummīd-vār

kam na ho jaa.e vaqār-e-mai-gusārāñ in dinoñ

tezī-e-teġh-e-adā kī shohrateñ haiñ duur duur

hai bahut ābād kū-e-dil-figārāñ in dinoñ

dosto pairāhan-e-jāñ ḳhūn-e-dil se surḳh-tar

baḌh gayā hai iltifāt-e-gul-ezārāñ in dinoñ

ahl-e-dil par bārish-e-lutf-e-nigāh-e-dil-navāz

mehrbāñ hai ishq par chashm-e-nigārāñ in dinoñ

hai gadā-e-mai-kada ke sar pe tāj-e-khusravī

kūza-gar kī gil hai ḳhāk-e-shahr-e-yārāñ in dinoñ

kyā ajab ishrat-kadoñ par bijliyāñ girne lagīñ

hai bahut sarkash nigāh-e-sogvārāñ in dinoñ

naghma-e-zanjir hai aur shahr-e-yaran in dinon

hai bahut ahl-e-junun shor-e-bahaaran in dinon

us wafa-dushman se paiman-e-wafa hai ustuwar

zer-e-sang-e-saKHt hai phir dast-e-yaran in dinon

mohtasib bhi halqa-e-rindan ka hai ummid-war

kam na ho jae waqar-e-mai-gusaran in dinon

tezi-e-tegh-e-ada ki shohraten hain dur dur

hai bahut aabaad ku-e-dil-figaran in dinon

dosto pairahan-e-jaan KHun-e-dil se surKH-tar

baDh gaya hai iltifat-e-gul-ezaran in dinon

ahl-e-dil par barish-e-lutf-e-nigah-e-dil-nawaz

mehrban hai ishq par chashm-e-nigaran in dinon

hai gada-e-mai-kada ke sar pe taj-e-khusrawi

kuza-gar ki gil hai KHak-e-shahr-e-yaran in dinon

kya ajab ishrat-kadon par bijliyan girne lagin

hai bahut sarkash nigah-e-sogwaran in dinon