nahin ab koi KHwab aisa teri surat jo dikhlae
nahin ab koi KHwab aisa teri surat jo dikhlae
Khalilur Rahman Azmi
MORE BYKhalilur Rahman Azmi
nahīñ ab koī ḳhvāb aisā tirī sūrat jo dikhlā.e
bichhaḌ kar tujh se kis manzil pe ham tanhā chale aa.e
abhī tak yaad aate haiñ kuchh aise ajnabī chehre
jinheñ dekhe koī to dekh kar taktā hī rah jaa.e
ye sach hai ek zahr-e-ġham hī aayā apne hisse meñ
magar ye zahr pī kar bhī na ham jiine se baaz aa.e
isī ke vāste mat pūchh kyā qīmat adā kī hai
magar hai kaun jo TuuTe hue is dil ko apnā.e
isī ummīd par zinda hai ye zauq-e-suḳhan-goī
ki aane vaalī duniyā shāyad in she'roñ ko dohrā.e
adhūre hī sahī ye naqsh phir bhī chhoḌe jaate haiñ
ki is tasvīr meñ shāyad koī apnā nishāñ paa.e
nahin ab koi KHwab aisa teri surat jo dikhlae
bichhaD kar tujh se kis manzil pe hum tanha chale aae
abhi tak yaad aate hain kuchh aise ajnabi chehre
jinhen dekhe koi to dekh kar takta hi rah jae
ye sach hai ek zahr-e-gham hi aaya apne hisse mein
magar ye zahr pi kar bhi na hum jine se baz aae
isi ke waste mat puchh kya qimat ada ki hai
magar hai kaun jo TuTe hue is dil ko apnae
isi ummid par zinda hai ye zauq-e-suKHan-goi
ki aane wali duniya shayad in she'ron ko dohrae
adhure hi sahi ye naqsh phir bhi chhoDe jate hain
ki is taswir mein shayad koi apna nishan pae
Source:
Teri Sadaa Ka Intezaar (Pg. 58)
- Author: Khaleel-Ur-Rehman Azmi
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.