nahin kam afw-e-yazdani bahut hai
nahīñ kam afv-e-yazdānī bahut hai
gunāhoñ par pashemānī bahut hai
koī to hādisa guzrā hai dil par
shab-e-ġham aaj nūrānī bahut hai
diloñ par tah-ba-tah zulmat ke parde
jabīñ par nūr-e-īmānī bahut hai
idhar hī tishna-e-dīdār kam haiñ
udhar to jalva-sāmānī bahut hai
kise raas aa.e saudā-e-mohabbat
munāfe.a kam pareshānī bahut hai
zabāñ hai rahn-e-zikr-e-hūr-o-ġhilmāñ
ḳhayāl-e-pāk-dāmānī bahut hai
karo 'mahmūd' qismat par qanā.at
jo mil jaa.e ba-āsānī bahut hai
nahin kam afw-e-yazdani bahut hai
gunahon par pashemani bahut hai
koi to hadisa guzra hai dil par
shab-e-gham aaj nurani bahut hai
dilon par tah-ba-tah zulmat ke parde
jabin par nur-e-imani bahut hai
idhar hi tishna-e-didar kam hain
udhar to jalwa-samani bahut hai
kise ras aae sauda-e-mohabbat
munafea kam pareshani bahut hai
zaban hai rahn-e-zikr-e-hur-o-ghilman
KHayal-e-pak-damani bahut hai
karo 'mahmud' qismat par qanaat
jo mil jae ba-asani bahut hai
Source:
Rooh-e-Ghazal,Pachas Sala Intekhab (Pg. 487)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
