nahin ki teri mohabbat mein ghar se nikle the

nahīñ ki terī mohabbat meñ ghar se nikle the

ham apne aap se vahshat meñ ghar se nikle the

ik ek kar ke sabhī rāste meñ maare ga.e

jo log terī hifāzat meñ ghar se nikle the

hamārī be-sar-o-sāmānī ye batātī hai

ham aise log to ujlat meñ ghar se nikle the

tamām ḳhvāb the bikhre hamāre bistar par

badan sameT ke vahshat meñ ghar se nikle the

nahin ki teri mohabbat mein ghar se nikle the

hum apne aap se wahshat mein ghar se nikle the

ek ek kar ke sabhi raste mein mare gae

jo log teri hifazat mein ghar se nikle the

hamari be-sar-o-samani ye batati hai

hum aise log to ujlat mein ghar se nikle the

tamam KHwab the bikhre hamare bistar par

badan sameT ke wahshat mein ghar se nikle the