nahin malum jine ka hunar kaisa rakha hai

nahīñ ma.alūm jiine kā hunar kaisā rakhā hai

hameñ hālāt ne jaise rakhā zinda rakhā hai

mirī pāgal tabī.at kā hai koī pair na sar

nahīñ dariyā milā to aañkh meñ sahrā rakhā hai

tumheñ jis samt se aanā huā be-ḳhauf aanā

tumhāre vāste chāroñ taraf rasta rakhā hai

mire jaisī udāsī shahr meñ kis ko milī hai

mirā jaisā kisī ne kab bujhā chehra rakhā hai

vo jitne bhes badle maiñ use pahchān lūñgī

ki maiñ ne aañkh meñ us shaḳhs kā naqsha rakhā hai

tumhāre vasl kī iftārī aa.e yā na aa.e

magar maiñ ne tumhāre hijr kā roza rakhā hai

kisī ke hijr meñ bhūlī huuñ baaqī rañg saare

mirī almārī meñ har suiT ab kaalā rakhā hai

nahin malum jine ka hunar kaisa rakha hai

hamein haalat ne jaise rakha zinda rakha hai

meri pagal tabiat ka hai koi pair na sar

nahin dariya mila to aankh mein sahra rakha hai

tumhein jis samt se aana hua be-KHauf aana

tumhaare waste chaaron taraf rasta rakha hai

mere jaisi udasi shahr mein kis ko mili hai

mera jaisa kisi ne kab bujha chehra rakha hai

wo jitne bhes badle main use pahchan lungi

ki main ne aankh mein us shaKHs ka naqsha rakha hai

tumhaare wasl ki iftari aae ya na aae

magar main ne tumhaare hijr ka roza rakha hai

kisi ke hijr mein bhuli hun baqi rang sare

meri almari mein har suiT ab kala rakha hai