nahr jis lashkar ki nigrani mein tab thi ab bhi hai

Murtaza Barlas

nahr jis lashkar ki nigrani mein tab thi ab bhi hai

Murtaza Barlas

MORE BYMurtaza Barlas

    nahr jis lashkar nigrānī meñ tab thī ab bhī hai

    ḳheme vāloñ jo bastī tishna-lab thī ab bhī hai

    uḌ rahe haiñ vaqt raftār se maġhrib samt

    vaqt-e-āġhāz-e-safar jo tiira shab thī ab bhī hai

    vaqt jaise ek saa.at pe aa ke ruk gayā

    pahle jis shiddat se jo dil meñ talab thī ab bhī hai

    ham shikāyat aañkh palkoñ se karte kis tarah

    dāstān-e-zulm varna yaad sab thī ab bhī hai

    husn meñ fitrī hijābāna ravish ab ho na ho

    ishq ke maslak meñ jo hadd-e-adab thī ab bhī hai

    roz o shab badleñge apne kis tarah aa.e yaqīñ

    sūrat-e-hālāt jo pahle ajab thī ab bhī hai

    haiñ baqā ke vasvase meñ ibtidā se mubtalā

    dil meñ ik tashvīsh jo be-sabab thī ab bhī hai

    naam is āmariyyat ho ki ho jamhūriyat

    munsalik fir.auniyat masnad se tab thī ab bhī hai

    nahr jis lashkar ki nigrani mein tab thi ab bhi hai

    KHeme walon ki jo basti tishna-lab thi ab bhi hai

    uD rahe hain waqt ki raftar se maghrib ki samt

    waqt-e-aghaz-e-safar jo tera shab thi ab bhi hai

    waqt jaise ek hi saat pe aa ke ruk gaya

    pahle jis shiddat se jo dil mein talab thi ab bhi hai

    hum shikayat aankh ki palkon se karte kis tarah

    dastan-e-zulm warna yaad sab thi ab bhi hai

    husn mein fitri hijabana rawish ab ho na ho

    ishq ke maslak mein jo hadd-e-adab thi ab bhi hai

    roz o shab badlenge apne kis tarah aae yaqin

    surat-e-haalat jo pahle ajab thi ab bhi hai

    hain baqa ke waswase mein ibtida se mubtala

    dil mein ek tashwish si jo be-sabab thi ab bhi hai

    nam is ka aamariyyat ho ki ho jamhuriyat

    munsalik firauniyat masnad se tab thi ab bhi hai

    Source :
    • Book : kulliyat -e-Murtaza Barlas (Pg. 299)
    • Author : Murtaza Barlas
    • Publication : Alhamd Publication Lahore (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY