nai aadmi pasand na usko KHuda pasand

nai aadmī pasand na us ko ḳhudā pasand

hai aa.ine meñ qaid mirā ā.īna pasand

vo chaar din bhī ham se nibāhī nahīñ ga.ī

vo mo.atadil-mizāj thā maiñ intihā-pasand

vo ḳhud-fareb shaḳhs thā patthar shanās thā

aayā na us ko koī bhī apne sivā pasand

jab koī farq shāhid-o-mash.hūd meñ nahīñ

kaise kare kisī ko koī dūsrā pasand

pūchhe hai ham ne kaahe kiyā kufr iḳhtiyār

ġhaflat pasand hai na hameñ aasrā pasand

kholī hai jab se aañkh kabhī so nahīñ sake

kyūñki hameñ hai ḳhvāb meñ bhī jāgnā pasand

maiñ bhī ye barg-e-sabz bhī maahī bhī murġh bhī

bāñdhe hue haiñ maut ne saare havā pasand

ḳhārij kī baat aañkh se aage kī thī magar

sab qaidiyoñ ko rauzan-e-dīvār thā pasand

'ākāsh' ek shaḳhs hai auroñ se muḳhtalif

pahlī nazar meñ hī tumheñ aa jā.egā pasand

nai aadmi pasand na us ko KHuda pasand

hai aaine mein qaid mera aaina pasand

wo chaar din bhi hum se nibahi nahin gai

wo moatadil-mizaj tha main intiha-pasand

wo KHud-fareb shaKHs tha patthar shanas tha

aaya na us ko koi bhi apne siwa pasand

jab koi farq shahid-o-mashhud mein nahin

kaise kare kisi ko koi dusra pasand

puchhe hai hum ne kahe kiya kufr iKHtiyar

ghaflat pasand hai na hamein aasra pasand

kholi hai jab se aankh kabhi so nahin sake

kyunki hamein hai KHwab mein bhi jagna pasand

main bhi ye barg-e-sabz bhi mahi bhi murgh bhi

bandhe hue hain maut ne sare hawa pasand

KHarij ki baat aankh se aage ki thi magar

sab qaidiyon ko rauzan-e-diwar tha pasand

'akash' ek shaKHs hai auron se muKHtalif

pahli nazar mein hi tumhein aa jaega pasand