nai zindagi ki hawa chali to kai naqab utar gae

na.ī zindagī kī havā chalī to ka.ī naqāb utar ga.e

jinheñ inqalāb se pyaar thā vahī inqalāb se Dar ga.e

mujhe rahbaroñ se hai ye gila ki unheñ shu.ūr-e-safar na thā

kabhī rāstoñ meñ ulajh ga.e kabhī manziloñ se guzar ga.e

tujhe marg-e-nau kī talāsh hai magar irtiqā kā pata nahīñ

koī ek shakl jo miT ga.ī to hazār naqsh ubhar ga.e

jise justujū-e-sukūñ rahī use sāhiloñ ne Dubo diyā

unheñ koī mauj na chhū sakī jo taḌap ke paar utar ga.e

ġham-e-ishq ne ġham-e-kā.enāt meñ ek ruuh sī phūñk dī

mire raag aur sañvar ga.e mire giit aur nikhar ga.e

nai zindagi ki hawa chali to kai naqab utar gae

jinhen inqalab se pyar tha wahi inqalab se Dar gae

mujhe rahbaron se hai ye gila ki unhen shuur-e-safar na tha

kabhi raston mein ulajh gae kabhi manzilon se guzar gae

tujhe marg-e-nau ki talash hai magar irtiqa ka pata nahin

koi ek shakl jo miT gai to hazar naqsh ubhar gae

jise justuju-e-sukun rahi use sahilon ne Dubo diya

unhen koi mauj na chhu saki jo taDap ke par utar gae

gham-e-ishq ne gham-e-kaenat mein ek ruh si phunk di

mere rag aur sanwar gae mere git aur nikhar gae