na-kaami-e-sad-hasrat-e-parina ke Dar jaen

nā-kāmī-e-sad-hasrat-e-pārīna ke Dar jaa.eñ

kuchh roz to ārām se apne bhī guzar jaa.eñ

ai dil-zadagāñ ab ke bhī is fasl-e-junūñ meñ

phir bahr-e-ḳhirad nok-e-sināñ kitne hī sar jaa.eñ

ye rishta-e-jāñ tār-e-rag-e-jān kī mānind

TuuTe jo kabhī ḳhaak meñ ham ḳhāk-basar jaa.eñ

hai harf-shanāsī kisī ā.īne kī mānind

patthar koī paḌ jaa.e to sab harf bikhar jaa.eñ

parvarda-e-shab ko hai kahāñ jur.at-e-iz.hār

Darte haiñ ki shānoñ se kahīñ sar na utar jaa.eñ

is qarya-e-yaḳh-basta meñ ai sho'la-sifat aa

jazbāt na ajsām kī mānind ThiThar jaa.eñ

ye ḳhirqa-e-darveshī hameñ raas hai 'jāved'

dastār-o-qabā pahan leñ ham log to mar jaa.eñ

na-kaami-e-sad-hasrat-e-parina ke Dar jaen

kuchh roz to aaram se apne bhi guzar jaen

ai dil-zadagan ab ke bhi is fasl-e-junun mein

phir bahr-e-KHirad nok-e-sinan kitne hi sar jaen

ye rishta-e-jaan tar-e-rag-e-jaan ki manind

TuTe jo kabhi KHak mein hum KHak-basar jaen

hai harf-shanasi kisi aaine ki manind

patthar koi paD jae to sab harf bikhar jaen

parwarda-e-shab ko hai kahan jurat-e-izhaar

Darte hain ki shanon se kahin sar na utar jaen

is qarya-e-yaKH-basta mein ai sho'la-sifat aa

jazbaat na ajsam ki manind ThiThar jaen

ye KHirqa-e-darweshi hamein ras hai 'jawed'

dastar-o-qaba pahan len hum log to mar jaen