namaz laDki mohabbat KHuda zaruri hai
namāz laḌkī mohabbat ḳhudā zarūrī hai
kisī bhī chiiz kā nashsha baḌā zarūrī hai
bahut zarūrī hai us kā har ek pal hañsnā
mujh aise habs-zada ko havā zarūrī hai
tumhāre vāste rakkhā hai Taal kar ḳhud ko
ab us ke ba.ad tumheñ aur kyā zarūrī hai
ab us kī aur mirī chaah meñ tazād hai dost
mujhe charāġh use aa.ina zarūrī hai
judā.ī itnī zarūrī hai jitnī tum chāho
hamāre vāste sabr-o-razā zarūrī hai
namaz laDki mohabbat KHuda zaruri hai
kisi bhi chiz ka nashsha baDa zaruri hai
bahut zaruri hai us ka har ek pal hansna
mujh aise habs-zada ko hawa zaruri hai
tumhaare waste rakkha hai Tal kar KHud ko
ab us ke baad tumhein aur kya zaruri hai
ab us ki aur meri chah mein tazad hai dost
mujhe charagh use aaina zaruri hai
judai itni zaruri hai jitni tum chaho
hamare waste sabr-o-raza zaruri hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
