naqab chehre se wo shoala-ru uTha leta

naqāb chehre se vo sho.ala-rū uThā letā

to chashm-e-bad ko maiñ āñkhoñ kā til jalā letā

jo us ke ḳhāk-e-kaf-e-pā bhī milte ham-chashmo

to raah par use maiñ surma sā lagā letā

jo in laboñ se na hotā mushābah āb-e-hayāt

ḳhizar na chhoḌ sikandar ko rāsta letā

hue na the jo abhī saaf pech zulfoñ kī

balā se panja-e-mizhgāñ hī vo laḌā letā

jo mujh se hote vo be-parda bad nazar ke liye

nazar kī tarah se āñkhoñ meñ maiñ chhupā letā

naqab chehre se wo shoala-ru uTha leta

to chashm-e-bad ko main aankhon ka til jala leta

jo us ke KHak-e-kaf-e-pa bhi milte ham-chashmo

to rah par use main surma sa laga leta

jo in labon se na hota mushabah aab-e-hayat

KHizar na chhoD sikandar ko rasta leta

hue na the jo abhi saf pech zulfon ki

bala se panja-e-mizhgan hi wo laDa leta

jo mujh se hote wo be-parda bad nazar ke liye

nazar ki tarah se aankhon mein main chhupa leta