aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

naqsh-bar-ab ho gaya hun main

Ejaz Rahmani

naqsh-bar-ab ho gaya hun main

Ejaz Rahmani

MORE BYEjaz Rahmani

    naqsh-bar-āb ho gayā huuñ maiñ

    kitnā kamyāb ho gayā huuñ maiñ

    jhurriyāñ kah rahī haiñ chehre

    ḳhushk tālāb ho gayā huuñ maiñ

    kyā karūñgā maiñ ab ḳhushī le kar

    ġham se sairāb ho gayā huuñ maiñ

    yaad rakhtā nahīñ mujhe koī

    arsa-e-ḳhvāb ho gayā huuñ maiñ

    is qadar bār-e-ġham uThāyā hai

    jhuk ke mehrāb ho gayā huuñ maiñ

    ik masīhā mehrbānī se

    jām-e-zahrāb ho gayā huuñ maiñ

    ḳhushk aañsū hue haiñ jis din se

    dasht-e-be-āb ho gayā huuñ maiñ

    hai ye ehsān jabr-e-duniyā

    saḳht a.asāb ho gayā huuñ maiñ

    us ne jis din se chhū liyā mujh ko

    rashk-e-mahtāb ho gayā huuñ maiñ

    ḳhud 'ejāz' apnā dushman huuñ

    sirf ahbāb ho gayā huuñ maiñ

    naqsh-bar-ab ho gaya hun main

    kitna kamyab ho gaya hun main

    jhurriyan kah rahi hain chehre ki

    KHushk talab ho gaya hun main

    kya karunga main ab KHushi le kar

    gham se sairab ho gaya hun main

    yaad rakhta nahin mujhe koi

    arsa-e-KHwab ho gaya hun main

    is qadar bar-e-gham uThaya hai

    jhuk ke mehrab ho gaya hun main

    ek masiha ki mehrbani se

    jam-e-zahrab ho gaya hun main

    KHushk aansu hue hain jis din se

    dasht-e-be-ab ho gaya hun main

    hai ye ehsan jabr-e-duniya ka

    saKHt aasab ho gaya hun main

    us ne jis din se chhu liya mujh ko

    rashk-e-mahtab ho gaya hun main

    KHud hi 'ejaz' apna dushman hun

    sirf ahbab ho gaya hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now