naqsh-e-mahrumi-e-taqdir ko tadbir mein rakh
naqsh-e-mahrūmi-e-taqdīr ko tadbīr meñ rakh
sa.i-e-imkāñ se guzar shauq ko ta.amīr meñ rakh
apne ehsās-e-rifāqat kā banā mujh ko gavāh
aur phir merī gavāhī mirī taqsīr meñ rakh
tū hai muḳhtār tujhe haq hai tasarruf pe mire
maiñ ki khetī tirī tū mujh ko bhī jāgīr meñ rakh
rang sachche hoñ to tasvīr bhī bol uThtī hai
be-yaqīñ rangoñ kī hairat ko na tasvīr meñ rakh
aur bhī qarz haiñ tahrīr ke ai sāhib-e-ilm
ik faqat tazkira-e-ishq na tahrīr meñ rakh
naqsh-e-mahrumi-e-taqdir ko tadbir mein rakh
sai-e-imkan se guzar shauq ko tamir mein rakh
apne ehsas-e-rifaqat ka bana mujh ko gawah
aur phir meri gawahi meri taqsir mein rakh
tu hai muKHtar tujhe haq hai tasarruf pe mere
main ki kheti teri tu mujh ko bhi jagir mein rakh
rang sachche hon to taswir bhi bol uThti hai
be-yaqin rangon ki hairat ko na taswir mein rakh
aur bhi qarz hain tahrir ke ai sahib-e-ilm
ek faqat tazkira-e-ishq na tahrir mein rakh
Source:
Aadhi Gawahi (Pg. 128)
- Author: Naseem Syed
-
- Publisher: Irtiqa Matbuat, Karachi
- Year of Publication: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
