naqsh-e-qadam hua hun mohabbat ki rah ka

naqsh-e-qadam huā huuñ mohabbat kī raah kā

kyā dil-kushā makāñ hai mirī sajda-gāh kā

garmī siiñ āftāb-e-qayāmat kī kyuuñ darūñ

saaya hai mujh kuuñ sarv-e-qayāmat-panāh kā

nāsūr ho ki roz-e-qayāmat talak bahe

jis ke jigar meñ tiir lage tujh nigāh kā

piv kā jamāl dekh huā chaak chaak dil

jiyūñ ki katāñ pe aks paḌe nūr-e-māh kā

Dore nahīñ haiñ surḳh tirī chashm-e-mast meñ

shāyad chaḌhā hai ḳhuun kisī be-gunāh kā

dil tujh birah kī aag siiñ kyūñkar nikal sake

sho.ala señ kyā chalegā kaho barg kaah kā

sumbul hai jiyūñ ki jalva-numā jūebār par

āñkhoñ meñ merī aks do-zulf-e-siyāh kā

mahtāb-rū ke ruḳh pe siyah ḳhat nahīñ 'sirāj'

jā kar khalā huā hai mire duud aah kā

naqsh-e-qadam hua hun mohabbat ki rah ka

kya dil-kusha makan hai meri sajda-gah ka

garmi sin aaftab-e-qayamat ki kyun darun

saya hai mujh kun sarw-e-qayamat-panah ka

nasur ho ki roz-e-qayamat talak bahe

jis ke jigar mein tir lage tujh nigah ka

piw ka jamal dekh hua chaak chaak dil

jiyun ki katan pe aks paDe nur-e-mah ka

Dore nahin hain surKH teri chashm-e-mast mein

shayad chaDha hai KHun kisi be-gunah ka

dil tujh birah ki aag sin kyunkar nikal sake

shoala sen kya chalega kaho barg kah ka

sumbul hai jiyun ki jalwa-numa juebar par

aankhon mein meri aks do-zulf-e-siyah ka

mahtab-ru ke ruKH pe siyah KHat nahin 'siraj'

ja kar khala hua hai mere dud aah ka