naqsh pani pe bana ho jaise

Ameer Qazalbash

naqsh pani pe bana ho jaise

Ameer Qazalbash

MORE BYAmeer Qazalbash

    naqsh paanī pe banā ho jaise

    zindagī mauj-e-balā ho jaise

    mujh se bach bach ke chalī hai duniyā

    mere nazdīk ḳhudā ho jaise

    koī tahrīr mukammal na huī

    mujh se har lafz ḳhafā ho jaise

    kis qadar shahr meñ sannāTā hai

    ab ke koī na bachā ho jaise

    is tarah puuj rahī hai duniyā

    koī mujh se bhī baḌā ho jaise

    raah miltī hai andheroñ meñ mujhe

    koī masrūf-e-duā ho jaise

    mujh ko aksar ye huā hai mahsūs

    koī kuchh pūchh rahā ho jaise

    ghar se is tarah nikal aa.e 'amīr'

    koī dushman na rahā ho jaise

    naqsh pani pe bana ho jaise

    zindagi mauj-e-bala ho jaise

    mujh se bach bach ke chali hai duniya

    mere nazdik KHuda ho jaise

    koi tahrir mukammal na hui

    mujh se har lafz KHafa ho jaise

    kis qadar shahr mein sannaTa hai

    ab ke koi na bacha ho jaise

    is tarah puj rahi hai duniya

    koi mujh se bhi baDa ho jaise

    rah milti hai andheron mein mujhe

    koi masruf-e-dua ho jaise

    mujh ko aksar ye hua hai mahsus

    koi kuchh puchh raha ho jaise

    ghar se is tarah nikal aae 'amir'

    koi dushman na raha ho jaise

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY