nargis pe to ilzam laga be-basari ka

Hafeez Hoshiarpuri

nargis pe to ilzam laga be-basari ka

Hafeez Hoshiarpuri

MORE BY Hafeez Hoshiarpuri

    nargis pe to ilzām lagā be-basarī

    arbāb-e-gulistāñ pe nahīñ kam-nazarī

    taufīq-e-rifāqat nahīñ un ko sar-e-manzil

    raste meñ jinheñ paas rahā ham-safarī

    ab ḳhānqah o madrasa o mai-kada haiñ ek

    ik silsila hai qāfila-e-be-ḳhabarī

    har naqsh hai ā.īna-e-nairañg-e-tamāshā

    duniyā hai ki hāsil mirī hairāñ-nazarī

    ab farsh se tā-arsh zabūñ-hāl hai fitrat

    ik ma.arka dar-pesh hai azm-e-basharī

    kab miltī hai ye daulat-e-bedār kisī ko

    aur maiñ huuñ ki ronā hai isī dīda-varī

    be-vāsta-e-ishq bhī rañg-e-ruḳh-e-parvez

    unvān hai farhād ḳhūnīñ-jigarī

    āḳhir tire dar pe mujhe le aa.ī mohabbat

    dekhā na gayā haal mirī dar-badarī

    dil meñ ho faqat tum tum āñkhoñ pe na jaao

    āñkhoñ ko to hai rog pareshāñ-nazarī

    be-pairvī-e-'mīr' 'hafīz' apnī ravish hai

    ham par koī ilzām nahīñ kam-hunarī

    nargis pe to ilzam laga be-basari ka

    arbab-e-gulistan pe nahin kam-nazari ka

    taufiq-e-rifaqat nahin un ko sar-e-manzil

    raste mein jinhen pas raha ham-safari ka

    ab KHanqah o madrasa o mai-kada hain ek

    ek silsila hai qafila-e-be-KHabari ka

    har naqsh hai aaina-e-nairang-e-tamasha

    duniya hai ki hasil meri hairan-nazari ka

    ab farsh se ta-arsh zabun-haal hai fitrat

    ek marka dar-pesh hai azm-e-bashari ka

    kab milti hai ye daulat-e-bedar kisi ko

    aur main hun ki rona hai isi dida-wari ka

    be-wasta-e-ishq bhi rang-e-ruKH-e-parwez

    unwan hai farhad ki KHunin-jigari ka

    aaKHir tere dar pe mujhe le aai mohabbat

    dekha na gaya haal meri dar-badari ka

    dil mein ho faqat tum hi tum aankhon pe na jao

    aankhon ko to hai rog pareshan-nazari ka

    be-pairwi-e-'mir' 'hafiz' apni rawish hai

    hum par koi ilzam nahin kam-hunari ka

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites