narm resham si mulaem kisi maKHmal ki tarah

narm resham sī mulā.em kisī maḳhmal kī tarah

sard rātoñ meñ tirī yaad hai kambal kī tarah

maiñ zamāne se ulajh saktā huuñ us kī ḳhātir

jo sajātā hai mujhe aañkh meñ kājal kī tarah

koī sāgar kahīñ pyāsā jo nazar aa.e to

ham baraste haiñ vahīñ TuuT ke bādal kī tarah

ḳhūb-sūrat thī ye kashmīr kī vaadī jaisī

zindagī tere binā lagtī hai chañmbal kī tarah

shahr kī āb-o-havā ne mire bachche chhīne

maiñ akelā hī rahā gaañv ke pīpal kī tarah

narm resham si mulaem kisi maKHmal ki tarah

sard raaton mein teri yaad hai kambal ki tarah

main zamane se ulajh sakta hun us ki KHatir

jo sajata hai mujhe aankh mein kajal ki tarah

koi sagar kahin pyasa jo nazar aae to

hum baraste hain wahin TuT ke baadal ki tarah

KHub-surat thi ye kashmir ki wadi jaisi

zindagi tere bina lagti hai chanmbal ki tarah

shahr ki aab-o-hawa ne mere bachche chhine

main akela hi raha ganw ke pipal ki tarah