nashat-e-fath se to daman-e-dil bhar nahin pae

nashāt-e-fat.h se to dāman-e-dil bhar nahīñ paa.e

magar kyuuñ hārne vaale mohabbat kar nahīñ paa.e

mudāvā kis tarah hogā vahāñ zangār-e-vahshat kā

agar kuchh aa.ine ham ne sitāroñ par nahīñ paa.e

fasīl-e-shahr se aage zarā sā dasht khiskā thā

aur is ke baa'd logoñ ne bahut se ghar nahīñ paa.e

sukūt-e-marg kyā TuuTe ki ham ne shahr se bāhar

daraḳhtoñ meñ parinde bhī ziyāda-tar nahīñ paa.e

kisī ne faqr se apne ḳhazāne bhar liye lekin

kisī ne shahryāroñ se bhī sīm-o-zar nahīñ paa.e

dayār-e-ishq ke paudoñ meñ ab bhī phuul aate haiñ

ki ham ne bhiik meñ 'sājid' kabhī aḳhgar nahīñ paa.e

nashat-e-fath se to daman-e-dil bhar nahin pae

magar kyun haarne wale mohabbat kar nahin pae

mudawa kis tarah hoga wahan zangar-e-wahshat ka

agar kuchh aaine hum ne sitaron par nahin pae

fasil-e-shahr se aage zara sa dasht khiska tha

aur is ke ba'd logon ne bahut se ghar nahin pae

sukut-e-marg kya TuTe ki hum ne shahr se bahar

daraKHton mein parinde bhi ziyaada-tar nahin pae

kisi ne faqr se apne KHazane bhar liye lekin

kisi ne shahryaron se bhi sim-o-zar nahin pae

dayar-e-ishq ke paudon mein ab bhi phul aate hain

ki hum ne bhik mein 'sajid' kabhi aKHgar nahin pae