nashat-e-ruh wajh-e-garmi-e-mahfil nahin hota

nashāt-e-rūh vaj.h-e-garmī-e-mahfil nahīñ hotā

vo ik naġhma jo āvāz-e-shikast-e-dil nahīñ hotā

ba-juz sahrā-navardī aur kuchh hāsil nahīñ hotā

agar dast-e-junūñ parda-kash-e-mahmil nahīñ hotā

haqīqat-āshnā rang-e-ruḳh-e-bātil nahīñ hotā

ki ġhuncha TuuT kar bhī ham-navā-e-dil nahīñ hotā

yaqīnan hai abhī nā-vāqif-e-rasm-o-rah-e-manzil

vo ḳhizr-e-rāh jo gum-karda-e-manzil nahīñ hotā

zarā tīr-e-hadaf-jū soch kar azm-e-par-afshānī

ki firdaus-e-do-ālam ḳhūñ-bahā-e-dil nahīñ hotā

tū bahr-e-ishq meñ dil ko ham-āġhosh-e-talātum rakh

ye vo motī hai jo parvarda-e-sāhil nahīñ hotā

nashat-e-ruh wajh-e-garmi-e-mahfil nahin hota

wo ek naghma jo aawaz-e-shikast-e-dil nahin hota

ba-juz sahra-nawardi aur kuchh hasil nahin hota

agar dast-e-junun parda-kash-e-mahmil nahin hota

haqiqat-ashna rang-e-ruKH-e-baatil nahin hota

ki ghuncha TuT kar bhi ham-nawa-e-dil nahin hota

yaqinan hai abhi na-waqif-e-rasm-o-rah-e-manzil

wo KHizr-e-rah jo gum-karda-e-manzil nahin hota

zara tir-e-hadaf-ju soch kar azm-e-par-afshani

ki firdaus-e-do-alam KHun-baha-e-dil nahin hota

tu bahr-e-ishq mein dil ko ham-aghosh-e-talatum rakh

ye wo moti hai jo parwarda-e-sahil nahin hota