nasiba jag uTTha aur muqaddar ban gaya apna

Ghayas Mateen

nasiba jag uTTha aur muqaddar ban gaya apna

Ghayas Mateen

MORE BYGhayas Mateen

    nasība jaag uTThā aur muqaddar ban gayā apnā

    jahāñ dīvār hai us vahīñ ghar ban gayā apnā

    na jaane dhuup ne apnī zabāñ meñ kyā kah us se

    shajar ke jism se saaya nikal kar ban gayā apnā

    hamārī aañkh se nīñdoñ rishta toḌne vaale

    koī tujh se sivā ḳhush-rañg paikar ban gayā apnā

    hamārā sar salāmat rahā sañg-e-havādis meñ

    jo patthar bhī idhar aayā vo patthar ban gayā apnā

    safar meñ saath apne dhuup dariyā aur samundar the

    hamārī ḳhush-nasībī thī samundar ban gayā apnā

    havā bārish samundar kināra aur ham donoñ

    kuchh aise kho ga.e manzar meñ manzar ban gayā apnā

    yahī bārish mausam thā havā.eñ tez thiiñ us din

    bahut bhīgā huā thā vo simaT kar ban gayā apnā

    'matīn' ik umr guzrī hai suḳhan ko aab dene meñ

    tabhī almās-lahja sab se haT kar ban gayā apnā

    nasiba jag uTTha aur muqaddar ban gaya apna

    jahan diwar hai us ki wahin ghar ban gaya apna

    na jaane dhup ne apni zaban mein kya kah us se

    shajar ke jism se saya nikal kar ban gaya apna

    hamari aankh se nindon ka rishta toDne wale

    koi tujh se siwa KHush-rang paikar ban gaya apna

    hamara sar salamat hi raha sang-e-hawadis mein

    jo patthar bhi idhar aaya wo patthar ban gaya apna

    safar mein sath apne dhup dariya aur samundar the

    hamari KHush-nasibi thi samundar ban gaya apna

    hawa barish samundar ka kinara aur hum donon

    kuchh aise kho gae manzar mein manzar ban gaya apna

    yahi barish ka mausam tha hawaen tez thin us din

    bahut bhiga hua tha wo simaT kar ban gaya apna

    'matin' ek umr guzri hai suKHan ko aab dene mein

    tabhi almas-lahja sab se haT kar ban gaya apna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY