naslen jo andhere ke mahazon pe laDi hain

Aftab Iqbal Shamim

naslen jo andhere ke mahazon pe laDi hain

Aftab Iqbal Shamim

MORE BYAftab Iqbal Shamim

    nasleñ jo añdhere ke mahāzoñ pe laḌī haiñ

    ab din ke kaTahre meñ ḳhatā-vār khaḌī haiñ

    be-nām āvāz-e-shaguft aa.ī kahīñ se

    kuchh patiyāñ shāyad shajar-e-shab se jhaḌī haiñ

    nikleñ to shikastoñ ke añdhere ubal aa.eñ

    rahne do jo kirneñ mirī āñkhoñ meñ gaḌī haiñ

    aa Duub! ubharnā hai tujhe agle nagar meñ

    manzil bhī bulātī hai salībeñ bhī khaḌī haiñ

    jab paas kabhī jaa.eñ to paT bheḌ leñ khaT se

    kyā laḌkiyāñ sapne ke darīchoñ meñ khaḌī haiñ

    kyā raat ke āshob meñ vo ḳhud se laḌā thā

    ā.īñe ke chehre pe ḳharāsheñ paḌī haiñ

    ḳhāmoshiyāñ us sāhil-e-āvāz se aage

    pātāl se gahrī haiñ, samundar se baḌī haiñ

    naslen jo andhere ke mahazon pe laDi hain

    ab din ke kaTahre mein KHata-war khaDi hain

    be-nam si aawaz-e-shaguft aai kahin se

    kuchh patiyan shayad shajar-e-shab se jhaDi hain

    niklen to shikaston ke andhere ubal aaen

    rahne do jo kirnen meri aankhon mein gaDi hain

    aa Dub! ubharna hai tujhe agle nagar mein

    manzil bhi bulati hai saliben bhi khaDi hain

    jab pas kabhi jaen to paT bheD len khaT se

    kya laDkiyan sapne ke darichon mein khaDi hain

    kya raat ke aashob mein wo KHud se laDa tha

    aaine ke chehre pe KHarashen si paDi hain

    KHamoshiyan us sahil-e-awaz se aage

    patal se gahri hain, samundar se baDi hain

    Source :
    • Book : Funoon (Monthly) (Pg. 297)
    • Author : Ahmad Nadeem Qasmi
    • Publication : 4 Maklood Road, Lahore (Nov. Dec. 1985,Issue No. 23)
    • Edition : Nov. Dec. 1985,Issue No. 23
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY