navāh-e-dasht-e-junūñ meñ udaas saare lage
daraḳht jitne mile sab ḳhizāñ ke maare lage
nadī ke shor-e-talātum pe baat hogī magar
maiñ chāhtā huuñ tirī naav to kināre lage
asās-e-jism kā kuchh rakh-rakhāv hai aisā
yahāñ to shādī-shuda bhī ka.ī kuñvāre lage
agarche sab the faqat chāñd hī nahīñ aaya
so ab ke mahfil-e-shab meñ bahut sitāre lage
alaav us kī judā.ī kā jab dahakne lagā
hamāre aañsū bhī uḌte hue sharāre lage
rahā vo saath magar ham-safar na ban paayā
musāfirat meñ to iḳhrāj sab hamāre lage
maiñ shā.erī meñ faqat ishq likhtā thā 'dilbar'
mirī ġhazal meñ mohabbat ke isti.āre lage
nawah-e-dasht-e-junun mein udas sare lage
daraKHt jitne mile sab KHizan ke mare lage
nadi ke shor-e-talatum pe baat hogi magar
main chahta hun teri naw to kinare lage
asas-e-jism ka kuchh rakh-rakhaw hai aisa
yahan to shadi-shuda bhi kai kunware lage
agarche sab the faqat chand hi nahin aaya
so ab ke mahfil-e-shab mein bahut sitare lage
alaw us ki judai ka jab dahakne laga
hamare aansu bhi uDte hue sharare lage
raha wo sath magar ham-safar na ban paya
musafirat mein to iKHraj sab hamare lage
main shaeri mein faqat ishq likhta tha 'dilbar'
meri ghazal mein mohabbat ke istiare lage
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.