navāh-e-jāñ meñ ajab hādisa huā ab ke
badan kā saarā asāsa bikhar gayā ab ke
zavāl aa gayā rishtoñ ke chāñd-sūraj ko
vo bhī ḳhamosh thā aur maiñ bhī chup rahā ab ke
aur us ne DhūñD liyā koī sā.ebān nayā
tamām raat maiñ hī bhīgtā rahā ab ke
ye duur duur yazīdī kī jaise hai tausī.a
machī hai chāroñ-taraf phir se karbalā ab ke
mujhe talāsh karo tum ufuq ke paas kahīñ
zamīñ se TuuT gayā merā rābta ab ke
vo kohar kohar se chehre dhuāñ dhuāñ sī fazā
'qamar' maiñ kaise koī ḳhvāb dekhtā ab ke
nawah-e-jaan mein ajab hadisa hua ab ke
badan ka sara asasa bikhar gaya ab ke
zawal aa gaya rishton ke chand-suraj ko
wo bhi KHamosh tha aur main bhi chup raha ab ke
aur us ne DhunD liya koi saeban naya
tamam raat main hi bhigta raha ab ke
ye dur dur yazidi ki jaise hai tausia
machi hai chaaron-taraf phir se karbala ab ke
mujhe talash karo tum ufuq ke pas kahin
zamin se TuT gaya mera rabta ab ke
wo kohar kohar se chehre dhuan dhuan si faza
'qamar' main kaise koi KHwab dekhta ab ke
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.