naza ki saKHti baDhi un ko pasheman dekh kar

Abbas Ali Khan Bekhud

naza ki saKHti baDhi un ko pasheman dekh kar

Abbas Ali Khan Bekhud

MORE BY Abbas Ali Khan Bekhud

    naza.a saḳhtī baḌhī un ko pashemāñ dekh kar

    maut mushkil ho ga.ī jiine sāmāñ dekh kar

    vo kabhī jab iltifāt-e-nāz se lete haiñ kaam

    kaañp jaatā huuñ maiñ apne dil ke armāñ dekh kar

    karte haiñ arbāb-e-dil andāza-e-josh-e-bahār

    merā dāman dekh kar merā garebāñ dekh kar

    vo na aglā bāġhbāñ hai ab na agle ham-safīr

    yaad kartā huuñ qafas ko maiñ gulistāñ dekh kar

    allāh allāh mujh aasī darḳhur-e-rahmat huā

    rashk-e-zāhid to bhī hai ye qadr-e-isyāñ dekh kar

    ai but-e-kāfir ma.āz-allāh ye terā shabāb

    koī kāfir rahegā ab musalmāñ dekh kar

    in butoñ ne mujh ko be-ḳhud kis qadar dhoke diye

    sīdhā-sāda jaan kar mard-e-musalmāñ dekh kar

    naza ki saKHti baDhi un ko pasheman dekh kar

    maut mushkil ho gai jine ka saman dekh kar

    wo kabhi jab iltifat-e-naz se lete hain kaam

    kanp jata hun main apne dil ke arman dekh kar

    karte hain arbab-e-dil andaza-e-josh-e-bahaar

    mera daman dekh kar mera gareban dekh kar

    wo na agla baghban hai ab na agle ham-safir

    yaad karta hun qafas ko main gulistan dekh kar

    allah allah mujh sa aasi darKHur-e-rahmat hua

    rashk-e-zahid to bhi hai ye qadr-e-isyan dekh kar

    ai but-e-kafir maaz-allah ye tera shabab

    koi kafir hi rahega ab musalman dekh kar

    in buton ne mujh ko be-KHud kis qadar dhoke diye

    sidha-sada jaan kar mard-e-musalman dekh kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites