nazar aata nahin kuchh subh ke aasar ka rang

nazar aatā nahīñ kuchh sub.h ke āsār kā rang

zulmat-e-gor se bad-tar hai shab-e-tār kā rang

uḌ gayā zo.af-e-maraz se ruḳh-e-bīmār kā rang

de do thoḌā sā tum apne gul-e-ruḳhsār kā rang

hashr meñ rahmat-e-dāvar ne jo nazreñ Dālīñ

ho gayā surḳh vahīñ rū-e-gunahgār kā rang

fasl-e-mai aane do phir hai ye hamārā zimma

ho gulābī na agar shaiḳh kī dastār kā rang

halqe āñkhoñ meñ paḌe murdanī muñh par chhā.e

nazar aatā nahīñ achchhā tire bīmār kā rang

tum dikhā do jo zarā āriz-e-gulgūñ kī bahār

to badal jaa.e abhī chehra-e-bīmār kā rang

araq-e-sharm-e-gunah ashk-e-nadāmat se 'shahīr'

saaf ho jaatā hai sab rū-e-siyahkār kā rang

nazar aata nahin kuchh subh ke aasar ka rang

zulmat-e-gor se bad-tar hai shab-e-tar ka rang

uD gaya zoaf-e-maraz se ruKH-e-bimar ka rang

de do thoDa sa tum apne gul-e-ruKHsar ka rang

hashr mein rahmat-e-dawar ne jo nazren Dalin

ho gaya surKH wahin ru-e-gunahgar ka rang

fasl-e-mai aane do phir hai ye hamara zimma

ho gulabi na agar shaiKH ki dastar ka rang

halqe aankhon mein paDe murdani munh par chhae

nazar aata nahin achchha tere bimar ka rang

tum dikha do jo zara aariz-e-gulgun ki bahaar

to badal jae abhi chehra-e-bimar ka rang

araq-e-sharm-e-gunah ashk-e-nadamat se 'shahir'

saf ho jata hai sab ru-e-siyahkar ka rang