nazar ke sath zauq-e-dur-bini bhi to de ya-rab

nazar ke saath zauq-e-dūr-bīnī bhī to de yā-rab

faqat in kor-chashmoñ ko nazar dene se kyā hogā

charāġh-e-sub.h kab tak TimTimā.egā sar-e-mahfil

dam-e-āḳhir mujhe merī ḳhabar dene se kyā hogā

maqām-e-'ishq meñ soz-e-jigar kī bhī zarūrat hai

bashar ko sirf me’rāj-e-nazar dene se kyā hogā

nigāh-e-'ishq meñ nūr-e-sahar kī 'umr hī kyā hai

shab-e-tārīk ko nūr-e-sahar dene se kyā hogā

jo mahrūm-e-junūn-e-'ishq hai begāna-e-ġham hai

use sarmāya-e-husn-e-nazar dene se kyā hogā

tū un kā vā'da-e-fardā na le kar aa.iyo qāsid

ki tishna-lab ko ḳhālī jām-e-zar dene se kyā hogā

munāsib thā koī paiġhām aatā un kī jānib se

marīz-e-ġham ko paiġhām-e-sahar dene se kyā hogā

ye aisī baat hai jis ko nazar vaale samajhte haiñ

bashar ko daulat-e-soz-e-jigar dene se kyā hogā

ziyāda se ziyāda sharm se vo sar jhukā leñge

unheñ 'bismil' ke marne kī ḳhabar dene se kyā hogā

nazar ke sath zauq-e-dur-bini bhi to de ya-rab

faqat in kor-chashmon ko nazar dene se kya hoga

charagh-e-subh kab tak TimTimaega sar-e-mahfil

dam-e-aKHir mujhe meri KHabar dene se kya hoga

maqam-e-'ishq mein soz-e-jigar ki bhi zarurat hai

bashar ko sirf me’raj-e-nazar dene se kya hoga

nigah-e-'ishq mein nur-e-sahar ki 'umr hi kya hai

shab-e-tarik ko nur-e-sahar dene se kya hoga

jo mahrum-e-junun-e-'ishq hai begana-e-gham hai

use sarmaya-e-husn-e-nazar dene se kya hoga

tu un ka wa'da-e-farda na le kar aaiyo qasid

ki tishna-lab ko KHali jam-e-zar dene se kya hoga

munasib tha koi paigham aata un ki jaanib se

mariz-e-gham ko paigham-e-sahar dene se kya hoga

ye aisi baat hai jis ko nazar wale samajhte hain

bashar ko daulat-e-soz-e-jigar dene se kya hoga

ziyaada se ziyaada sharm se wo sar jhuka lenge

unhen 'bismil' ke marne ki KHabar dene se kya hoga