nazar ki zad mein sar koi nahin hai

Azhar Inayati

nazar ki zad mein sar koi nahin hai

Azhar Inayati

MORE BYAzhar Inayati

    nazar zad meñ sar koī nahīñ hai

    fasīl-e-shahr par koī nahīñ hai

    bahut muḳhlis haiñ us ke gaañv vaale

    paḌhā-likkhā magar koī nahīñ hai

    ḳhabar ik ghar ke jalne hai lekin

    bachā bastī meñ ghar koī nahīñ hai

    kahīñ jaa.eñ kisī bhī vaqt aa.eñ

    baḌoñ dil meñ Dar koī nahīñ hai

    mujhe ḳhud TuuT kar vo chāhtā hai

    mirā is meñ hunar koī nahīñ hai

    ham apne saath jaa.eñ bhī kahāñ tak

    hamārā ham-safar koī nahīñ hai

    abhī āñdhī pe 'az.har' tabsire haiñ

    charāġhoñ ḳhabar koī nahīñ hai

    nazar ki zad mein sar koi nahin hai

    fasil-e-shahr par koi nahin hai

    bahut muKHlis hain us ke ganw wale

    paDha-likkha magar koi nahin hai

    KHabar ek ghar ke jalne ki hai lekin

    bacha basti mein ghar koi nahin hai

    kahin jaen kisi bhi waqt aaen

    baDon ka dil mein Dar koi nahin hai

    mujhe KHud TuT kar wo chahta hai

    mera is mein hunar koi nahin hai

    hum apne sath jaen bhi kahan tak

    hamara ham-safar koi nahin hai

    abhi aandhi pe 'azhar' tabsire hain

    charaghon ki KHabar koi nahin hai

    RECITATIONS

    Azhar Inayati

    Azhar Inayati,

    Azhar Inayati

    nazar ki zad mein sar koi nahin hai Azhar Inayati

    Source :
    • Book : Jhunka na-e-mausam kaa (Pg. 30)
    • Author : azhar inaayatii
    • Publication : islamic wonders bureau (2006)
    • Edition : 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now