nazar ko qurb-e-shanasai banTne wale
nazar ko qurb-e-shanāsā.ī bāñTne vaale
kabhī to haath aa parchhā.ī bāñTne vaale
akelā-pan dar-o-dīvār se Tapaktā hai
kahāñ ga.e mirī tanhā.ī bāñTne vaale
ye muñh se sūkhe nivāle bhī chhīn lete haiñ
bahut ġharīb haiñ mahñgā.ī bāñTne vaale
hamāre shahr ko terī baḌī zarūrat hai
idhar bhī aa kabhī achchhā.ī bāñTne vaale
kabhī ye soch ke tere bhī apne bachche haiñ
hamārī nasl ko nañgā.ī bāñTne vaale
zamāna kyā huā ab jo nazar nahīñ aate
vafā kī pyaar kī bīnā.ī bāñTne vaale
nazar ko qurb-e-shanasai banTne wale
kabhi to hath aa parchhai banTne wale
akela-pan dar-o-diwar se Tapakta hai
kahan gae meri tanhai banTne wale
ye munh se sukhe niwale bhi chhin lete hain
bahut gharib hain mahngai banTne wale
hamare shahr ko teri baDi zarurat hai
idhar bhi aa kabhi achchhai banTne wale
kabhi ye soch ke tere bhi apne bachche hain
hamari nasl ko nangai banTne wale
zamana kya hua ab jo nazar nahin aate
wafa ki pyar ki binai banTne wale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
