nazar ko waqf-e-jamal kar ke na zikr kar lutf-e-zindagi ka

nazar ko vaqf-e-jamāl kar ke na zikr kar lutf-e-zindagī kā

husūl-e-maqsad jahāñ meñ mushkil yahāñ huā kaun kab kisī kā

usī kī ab tak navā-e-rangīñ banī huī hai hayāt-e-insāñ

sukūt-e-paiham ke baad tū ne jo saaz chheḌā thā zindagī kā

junūn-e-fitrat bhī pal rahā thā nuqūsh-e-hasrat ubhar rahe the

naved-e-ulfat ko sun ke chauñke karam thā shāyad ye be-ḳhudī kā

kabhī na āñkhoñ se ashk nikle kabhī na shikva zabāñ pe aaya

yaqīn hai tum taḌap uThoge kahūñgā jab haal bebasī kā

usī ke sunñe kī hai tamanna 'vafā' usī kī mujhe havas hai

navā-e-ulfat ke saath us ne jo saaz chheḌā thā zindagī kā

nazar ko waqf-e-jamal kar ke na zikr kar lutf-e-zindagi ka

husul-e-maqsad jahan mein mushkil yahan hua kaun kab kisi ka

usi ki ab tak nawa-e-rangin bani hui hai hayat-e-insan

sukut-e-paiham ke baad tu ne jo saz chheDa tha zindagi ka

junun-e-fitrat bhi pal raha tha nuqush-e-hasrat ubhar rahe the

nawed-e-ulfat ko sun ke chaunke karam tha shayad ye be-KHudi ka

kabhi na aankhon se ashk nikle kabhi na shikwa zaban pe aaya

yaqin hai tum taDap uThoge kahunga jab haal bebasi ka

usi ke sunne ki hai tamanna 'wafa' usi ki mujhe hawas hai

nawa-e-ulfat ke sath us ne jo saz chheDa tha zindagi ka