nazar milate hi sara waqar kho baiThi

nazar milāte hī saarā vaqār kho baiThī

tamām umr kā maiñ e'tibār kho baiThī

kisī se dil ke lagāne kā ye huā anjām

sukūn chhin gayā sabr-o-qarār kho baiThī

ujālā ho to gayā soz-e-āh se lekin

jo kuchh thā lutf-e-shab-e-intizār kho baiThī

uThā.ī jab na ga.iiñ saḳhtiyāñ mohabbat kī

huā ye hashr ki maiñ jān-e-zār kho baiThī

girī jo barq-e-alam dil ke jal ga.e armāñ

chaman ke saath chaman kī bahār kho baiThī

bahār-e-ālam-e-fānī se dil lagā ke 'tarab'

matā.a-e-jalva-e-husn-e-nigār kho baiThī

nazar milate hi sara waqar kho baiThi

tamam umr ka main e'tibar kho baiThi

kisi se dil ke lagane ka ye hua anjam

sukun chhin gaya sabr-o-qarar kho baiThi

ujala ho to gaya soz-e-ah se lekin

jo kuchh tha lutf-e-shab-e-intizar kho baiThi

uThai jab na gain saKHtiyan mohabbat ki

hua ye hashr ki main jaan-e-zar kho baiThi

giri jo barq-e-alam dil ke jal gae arman

chaman ke sath chaman ki bahaar kho baiThi

bahaar-e-alam-e-fani se dil laga ke 'tarab'

mataa-e-jalwa-e-husn-e-nigar kho baiThi