nazar-navāz vo pahlī sī hastiyāñ na rahīñ
ravā hamāre liye but-parastiyāñ na rahīñ
fazā hī vo nahīñ dehāt aur shahroñ kī
basā.ī thiiñ jo kabhī ab vo bastiyāñ na rahīñ
tirī nigāh se piine kī aarzū kī thī
phir us ke baa'd sharāboñ meñ mastiyāñ na rahīñ
ye aur baat tirā dil na ho sakā shādāb
vagarna āñkheñ mirī kab barastiyāñ na rahīñ
vahī hai bhaav Take ser dukh kī manDī meñ
agarche ḳhaak sī chīzeñ bhī sastiyāñ na rahīñ
tamām ho ga.e saare samāj ke bandhan
vo rakh-rakhāv gayā ghar-grihastiyāñ na rahīñ
muvāzane kā hai saarā mu'āmla 'shaukat'
bulandiyāñ na rahīñ jab to pastiyāñ na rahīñ
nazar-nawaz wo pahli si hastiyan na rahin
rawa hamare liye but-parastiyan na rahin
faza hi wo nahin dehat aur shahron ki
basai thin jo kabhi ab wo bastiyan na rahin
teri nigah se pine ki aarzu ki thi
phir us ke ba'd sharabon mein mastiyan na rahin
ye aur baat tera dil na ho saka shadab
wagarna aankhen meri kab barastiyan na rahin
wahi hai bhaw Take ser dukh ki manDi mein
agarche KHak si chizen bhi sastiyan na rahin
tamam ho gae sare samaj ke bandhan
wo rakh-rakhaw gaya ghar-grihastiyan na rahin
muwazane ka hai sara mu'amla 'shaukat'
bulandiyan na rahin jab to pastiyan na rahin
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.