nazar se chhup gae dil se juda to hona tha

nazar se chhup ga.e dil se judā to honā thā

is ehtimām se tum ko ḳhafā to honā thā

vafā ḳhud apne muqābil huī mohabbat meñ

tire sitam kī koī intihā to honā thā

kahāñ pahuñch ke ruke aap bevafā.ī se

lihāz merī vafā kā zarā to honā thā

sañvar ke aa.ina dekhā to hañs ke farmāyā

vo sāmne haiñ magar sāmnā to honā thā

agar idhar se vo guzre haiñ be-ḳhayālī meñ

qarīb-e-dil koī āvāz-e-pā to honā thā

vo le ga.e haiñ agar bū-e-gul ko saath 'shajī.a'

kam-az-kam aaj chaman meñ sabā to honā thā

nazar se chhup gae dil se juda to hona tha

is ehtimam se tum ko KHafa to hona tha

wafa KHud apne muqabil hui mohabbat mein

tere sitam ki koi intiha to hona tha

kahan pahunch ke ruke aap bewafai se

lihaz meri wafa ka zara to hona tha

sanwar ke aaina dekha to hans ke farmaya

wo samne hain magar samna to hona tha

agar idhar se wo guzre hain be-KHayali mein

qarib-e-dil koi aawaz-e-pa to hona tha

wo le gae hain agar bu-e-gul ko sath 'shajia'

kam-az-kam aaj chaman mein saba to hona tha