nazar to aas ki ab ahl-e-asman pe hai

nazar to aas kī ab ahl-e-āsmān pe hai

du'ā kā tiir 'abas ajr kī kamān pe hai

zamīñ nasīb kahāñ duur ke safar se use

vo ek dhuup kā TukḌā jo sā.ebān pe hai

jise jatan se rakkhā dil hī dil meñ vaqt-e-junūñ

vo raaz shahr meñ har ek kī zabān pe hai

tamām shauq dhare ke dhare na rah jaa.eñ

junūñ ke shahr meñ aafat hamārī jaan pe hai

safar meñ chain kahāñ daur-e-ābla-pā.ī

jo haal uThān pe thā ab vahī Dhalān pe hai

shikār meñ haiñ yahāñ ek dūsre ke sabhī

kabhī zamīñ pe kabhī aadmī machān pe hai

koī to kaaT batā mujh ko tū mire maazī

ki ab ke vaar tirī aan baan shaan pe hai

vo shāḳh-e-zīst pe 'bebāk' lauTtā hī nahīñ

parind dil kā jo ab 'arsh kī uḌaan pe hai

nazar to aas ki ab ahl-e-asman pe hai

du'a ka tir 'abas ajr ki kaman pe hai

zamin nasib kahan dur ke safar se use

wo ek dhup ka TukDa jo saeban pe hai

jise jatan se rakkha dil hi dil mein waqt-e-junun

wo raaz shahr mein har ek ki zaban pe hai

tamam shauq dhare ke dhare na rah jaen

junun ke shahr mein aafat hamari jaan pe hai

safar mein chain kahan daur-e-abla-pai

jo haal uThan pe tha ab wahi Dhalan pe hai

shikar mein hain yahan ek dusre ke sabhi

kabhi zamin pe kabhi aadmi machan pe hai

koi to kaT bata mujh ko tu mere mazi

ki ab ke war teri aan ban shan pe hai

wo shaKH-e-zist pe 'bebak' lauTta hi nahin

parind dil ka jo ab 'arsh ki uDan pe hai