nazzara jo hota hai lab-e-baam tumhaara
nazzāra jo hotā hai lab-e-bām tumhārā
duniyā meñ uchhaltā hai bahut naam tumhārā
darbāñ hai na hai ġhair-e-bad-anjām tumhārā
kaam aa.egā āḳhir yahī nākām tumhārā
dushnām suno de ke dil ai husn-parastoñ
ye kaam tumhārā hai vo in.aam tumhārā
āġhāz-e-mohabbat hai ho ḳhush hazrat-e-dil kyā
achchhā nazar aatā nahīñ anjām tumhārā
'ahsan' kī tabī.at se abhī tum nahīñ vāqif
hai dil se duā-go sahar o shaam tumhārā
nazzara jo hota hai lab-e-baam tumhaara
duniya mein uchhalta hai bahut nam tumhaara
darban hai na hai ghair-e-bad-anjam tumhaara
kaam aaega aaKHir yahi nakaam tumhaara
dushnam suno de ke dil ai husn-paraston
ye kaam tumhaara hai wo inam tumhaara
aaghaz-e-mohabbat hai ho KHush hazrat-e-dil kya
achchha nazar aata nahin anjam tumhaara
'ahsan' ki tabiat se abhi tum nahin waqif
hai dil se dua-go sahar o sham tumhaara
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
