ne mohra baqi ne mohra-bazi

ne mohra baaqī ne mohra-bāzī

jiitā hai 'rūmī' haarā hai 'rāzī'

raushan hai jām-e-jamshed ab tak

shāhī nahīñ hai be-shīsha-bāzī

dil hai musalmāñ merā na terā

tū bhī namāzī maiñ bhī namāzī

maiñ jāntā huuñ anjām us kā

jis mārke meñ mullā hoñ ġhāzī

turkī bhī shīrīñ taazī bhī shīrīñ

harf-e-mohabbat turkī na taazī

aazar kā pesha ḳhārā-tarāshī

kār-e-ḳhalīlāñ ḳhārā-gudāzī

tū zindagī hai pā.endagī hai

baaqī hai jo kuchh sab ḳhāk-bāzī

ne mohra baqi ne mohra-bazi

jita hai 'rumi' haara hai 'raazi'

raushan hai jam-e-jamshed ab tak

shahi nahin hai be-shisha-bazi

dil hai musalman mera na tera

tu bhi namazi main bhi namazi

main jaanta hun anjam us ka

jis marke mein mulla hon ghazi

turki bhi shirin tazi bhi shirin

harf-e-mohabbat turki na tazi

aazar ka pesha KHara-tarashi

kar-e-KHalilan KHara-gudazi

tu zindagi hai paendagi hai

baqi hai jo kuchh sab KHak-bazi