nigah-e-qahr hogi ya mohabbat ki nazar hogi

Bismil Azimabadi

nigah-e-qahr hogi ya mohabbat ki nazar hogi

Bismil Azimabadi

MORE BYBismil Azimabadi

    nigāh-e-qahr hogī mohabbat nazar hogī

    maza de jā.egī dil se agar ai sīm-bar hogī

    tumheñ jaldī hai kyā jaanā abhī to raat baaqī hai

    na ghabrāo zarā Thahro koī dam meñ sahar hogī

    abhī se saare aalam meñ to ik andher barpā hai

    na jaane kyā ġhazab Dhā.egī jab ye tā-kamar hogī

    na lā.egī to kyā bechain bhī un ko na kar degī

    hamārī aah kyā kam-baḳht itnī be-asar hogī

    ham us ko dekh leñge aur vo ham ko na dekhegī

    nigāh-e-yār kyā mahfil meñ itnī be-ḳhabar hogī

    chalā jaatā to huuñ maiñ bahrūp ban kar un mahfil meñ

    kahūñgā kyā rasā.ī gar kahīñ muñh dekh kar hogī

    nigāh-e-lutf se dekhegā mujh ko ik jahāñ to kyā

    agar tum dekh loge merī qismat arsh par hogī

    asīrī meñ bhī yād-e-gul karegī is tarah bulbul

    qafas ke dar pe sar hogā, su-e-gulshan nazar hogī

    jo be-jurmī pe bhī 'bismil' ko tum ne kar diyā bismil

    batāoge bhalā kyā hashr meñ pursish agar hogī

    nigah-e-qahr hogi ya mohabbat ki nazar hogi

    maza de jaegi dil se agar ai sim-bar hogi

    tumhein jaldi hai kya jaana abhi to raat baqi hai

    na ghabrao zara Thahro koi dam mein sahar hogi

    abhi se sare aalam mein to ek andher barpa hai

    na jaane kya ghazab Dhaegi jab ye ta-kamar hogi

    na laegi to kya bechain bhi un ko na kar degi

    hamari aah kya kam-baKHt itni be-asar hogi

    hum us ko dekh lenge aur wo hum ko na dekhegi

    nigah-e-yar kya mahfil mein itni be-KHabar hogi

    chala jata to hun main bahrup ban kar un ki mahfil mein

    kahunga kya rasai gar kahin munh dekh kar hogi

    nigah-e-lutf se dekhega mujh ko ek jahan to kya

    agar tum dekh loge meri qismat arsh par hogi

    asiri mein bhi yaad-e-gul karegi is tarah bulbul

    qafas ke dar pe sar hoga, su-e-gulshan nazar hogi

    jo be-jurmi pe bhi 'bismil' ko tum ne kar diya bismil

    bataoge bhala kya hashr mein pursish agar hogi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY