aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nigahon mein iqrar sare hue hain

Aagha Akbarabadi

nigahon mein iqrar sare hue hain

Aagha Akbarabadi

MORE BYAagha Akbarabadi

    nigāhoñ meñ iqrār saare hue haiñ

    ham un ke hue vo hamāre hue haiñ

    jin āñkhoñ meñ aañsū chakāre hue haiñ

    ham un nigāhoñ ke maare hue haiñ

    na ḳhaTkeñ kaho kis tarah tīr-e-mizhgāñ

    jigar par hamāre utāre hue haiñ

    jhaḌe jo tirī kafsh-e-zarrīñ ke zarre

    falak par vo kar sayyāre hue haiñ

    'abas jaan detī hai bulbul guloñ par

    ye us ruḳh ke sadqe utāre hue haiñ

    kis andāz se band-e-mahram kase haiñ

    ki joban ko un ke ubhāre hue haiñ

    yaqīñ hai balā ho koī aaj nāzil

    vo bāloñ ko apne sañvāre hue haiñ

    ḳhabar-dār hāthoñ se jaane na paa.eñ

    ye duzd-e-hinā maal maare hue haiñ

    kahe detī haiñ saaf āñkheñ tumhārī

    kisī ġhair se kuchh ishāre hue haiñ

    maiñ mañjdhār meñ Dūbtā huuñ ilāhī

    vo dil le ke merā kināre hue haiñ

    hamesha jo bharte the dam dostī

    vahī dushman-e-jāñ hamāre hue haiñ

    nazar kar du'ā par ḳhudāvand-e-ālam

    ki ham haath apne pasāre hue haiñ

    bhalā ġhair is meñ hai kyā shikāyat

    vahī dushman-e-jāñ hamāre hue haiñ

    unheñ ham ne nahlā diyā de ke chhīñTeñ

    'ajab lutf dariyā kināre hue haiñ

    ḳhabar āmad-e-gul shāyad hai 'āġhā'

    chaman saare jhāḌe bahāre hue haiñ

    nigahon mein iqrar sare hue hain

    hum un ke hue wo hamare hue hain

    jin aankhon mein aansu chakare hue hain

    hum un ki nigahon ke mare hue hain

    na KHaTken kaho kis tarah tir-e-mizhgan

    jigar par hamare utare hue hain

    jhaDe jo teri kafsh-e-zarrin ke zarre

    falak par wo ja kar sayyare hue hain

    'abas jaan deti hai bulbul gulon par

    ye us ruKH ke sadqe utare hue hain

    kis andaz se band-e-mahram kase hain

    ki joban ko un ke ubhaare hue hain

    yaqin hai bala ho koi aaj nazil

    wo baalon ko apne sanware hue hain

    KHabar-dar hathon se jaane na paen

    ye duzd-e-hina mal mare hue hain

    kahe deti hain saf aankhen tumhaari

    kisi ghair se kuchh ishaare hue hain

    main manjdhaar mein Dubta hun ilahi

    wo dil le ke mera kinare hue hain

    hamesha jo bharte the dam dosti ka

    wahi dushman-e-jaan hamare hue hain

    nazar kar du'a par KHudawand-e-alam

    ki hum hath apne pasare hue hain

    bhala ghair ki is mein hai kya shikayat

    wahi dushman-e-jaan hamare hue hain

    unhen hum ne nahla diya de ke chhinTen

    'ajab lutf dariya kinare hue hain

    KHabar aamad-e-gul ki shayad hai 'agha'

    chaman sare jhaDe bahaare hue hain

    Source:

    Deewan-e-Aagha (Pg. ebook-67 page-69)

      • Publisher: Matba Ejaz Mohammadi, Agra
      • Year of Publication: 1886
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now