nigar-e-subh ki ummid mein pighalte hue

Obaidullah Aleem

nigar-e-subh ki ummid mein pighalte hue

Obaidullah Aleem

MORE BYObaidullah Aleem

    nigār-e-sub.h ummīd meñ pighalte hue

    charāġh ḳhud ko nahīñ dekhtā hai jalte hue

    vo husn us bayāñ kyā kare jo dekhtā ho

    har ik adā ke ka.ī qad na.e nikalte hue

    vo mauj-e-mai-kada-e-rañg hai badan us

    ki haiñ talātum-e-mai se subū uchhalte hue

    to zarra zarra us aalam hai zuleḳhā sifat

    chale jo dasht-e-balā meñ koī sambhalte hue

    ye ruuh khīñchtī chalī rahī hai kis taraf

    ye paañv kyuuñ nahīñ thakte hamāre chalte hue

    usī ke naam ḳhushbū se saañs chaltī rahe

    usī naam zabāñ par ho dam nikalte hue

    ḳhayāl o ḳhvāb ke kyā kyā na silsile nikle

    charāġh jalte hue āftāb Dhalte hue

    añdhere haiñ yahāñ sūraj ke naam par raushan

    ujāloñ se yahāñ dekhe haiñ log jalte hue

    utaar in meñ koī apnī raushnī rab

    ki log thak ga.e zulmat se ab bahalte hue

    vo aa rahe haiñ zamāne ki tum bhī dekhoge

    ḳhudā ke haath se insān ko badalte hue

    vo sub.h hogī to fir.aun phir na guzreñge

    diloñ ko rauñdte insān ko masalte hue

    nigar-e-subh ki ummid mein pighalte hue

    charagh KHud ko nahin dekhta hai jalte hue

    wo husn us ka bayan kya kare jo dekhta ho

    har ek ada ke kai qad nae nikalte hue

    wo mauj-e-mai-kada-e-rang hai badan us ka

    ki hain talatum-e-mai se subu uchhalte hue

    to zarra zarra us aalam ka hai zuleKHa sifat

    chale jo dasht-e-bala mein koi sambhalte hue

    ye ruh khinchti chali ja rahi hai kis ki taraf

    ye panw kyun nahin thakte hamare chalte hue

    usi ke nam ki KHushbu se sans chalti rahe

    usi ka nam zaban par ho dam nikalte hue

    KHayal o KHwab ke kya kya na silsile nikle

    charagh jalte hue aaftab Dhalte hue

    andhere hain yahan suraj ke nam par raushan

    ujalon se yahan dekhe hain log jalte hue

    utar in mein koi apni raushni ya rab

    ki log thak gae zulmat se ab bahalte hue

    wo aa rahe hain zamane ki tum bhi dekhoge

    KHuda ke hath se insan ko badalte hue

    wo subh hogi to firaun phir na guzrenge

    dilon ko raundte insan ko masalte hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY