nigah-e-naz kare shauq se barbaad mujhe

nigah-e-nāz kare shauq se barbād mujhe

hai mirā zauq-e-nazar māna-e-fariyād mujhe

sūrat-e-hazf miTā ai sitam-ījād mujhe

lab-e-tasvīr huuñ aatī nahīñ fariyād mujhe

haa.e vo ahd-e-tamannā vo mirā jazba-e-shauq

aisā bhūlā hai ki aatā hī nahīñ yaad mujhe

DhūñDhtā huuñ nazar aatā nahīñ us kā jalva

shauq-e-dīdār kiye detā hai barbād mujhe

ham-nafas bas mirī rūdād-e-tabāhī ye hai

rahm aayā unheñ jab kar chuke barbād mujhe

tire iqrār-e-vafā ko vo mirā dohrānā

vo tirā naaz se kahnā ki nahīñ yaad mujhe

saḳht majbūr huuñ maiñ zabt-e-alam se 'sāqib'

ḳhud mirī aah na kar de kahīñ barbād mujhe

nigah-e-naz kare shauq se barbaad mujhe

hai mera zauq-e-nazar mana-e-fariyaad mujhe

surat-e-hazf miTa ai sitam-ijad mujhe

lab-e-taswir hun aati nahin fariyaad mujhe

hae wo ahd-e-tamanna wo mera jazba-e-shauq

aisa bhula hai ki aata hi nahin yaad mujhe

DhunDhta hun nazar aata nahin us ka jalwa

shauq-e-didar kiye deta hai barbaad mujhe

ham-nafas bas meri rudad-e-tabahi ye hai

rahm aaya unhen jab kar chuke barbaad mujhe

tere iqrar-e-wafa ko wo mera dohrana

wo tera naz se kahna ki nahin yaad mujhe

saKHt majbur hun main zabt-e-alam se 'saqib'

KHud meri aah na kar de kahin barbaad mujhe