nihayat inkisari aajizi se baat karte hain

nihāyat inkisārī ājizī se baat karte haiñ

ham un se jab vo ham se be-ruḳhī se baat karte haiñ

hamāre saath ho to muḳhtasar sī baat hotī hai

chalā kartī hai pahroñ jab kisī se baat karte haiñ

hameñ kahte haiñ dekho bha.ī kisī se baat mat karnā

aur us par ḳhud jo miltā hai usī se baat karte haiñ

tumhīñ ho ek jin ko baat karne kā salīqa hai

hamīñ haiñ ek jo be-hūdgī se baat karte haiñ

hue jaate ho kyuuñ kapḌoñ se bāhar ġhair kī san kar

zarā baiTho tasallī dil-jamī se baat karte haiñ

kisī se baat karte haiñ kisī kī baat hotī hai

are baavā tumhārī kab kisī se baat karte haiñ

baḌhā.e dostī kā haath dushman bhī tah-e-dil se

lagā lete haiñ siine se ḳhushī se baat karte haiñ

akele the taraste the kisī se baat karne ko

to ham ne sochā aao 'shād' hī se baat karte haiñ

nihayat inkisari aajizi se baat karte hain

hum un se jab wo hum se be-ruKHi se baat karte hain

hamare sath ho to muKHtasar si baat hoti hai

chala karti hai pahron jab kisi se baat karte hain

hamein kahte hain dekho bhai kisi se baat mat karna

aur us par KHud jo milta hai usi se baat karte hain

tumhin ho ek jin ko baat karne ka saliqa hai

hamin hain ek jo be-hudgi se baat karte hain

hue jate ho kyun kapDon se bahar ghair ki san kar

zara baiTho tasalli dil-jami se baat karte hain

kisi se baat karte hain kisi ki baat hoti hai

are bawa tumhaari kab kisi se baat karte hain

baDhae dosti ka hath dushman bhi tah-e-dil se

laga lete hain sine se KHushi se baat karte hain

akele the taraste the kisi se baat karne ko

to hum ne socha aao 'shad' hi se baat karte hain