nichi nazron ke war aane lage

Meer Mehdi Majrooh

nichi nazron ke war aane lage

Meer Mehdi Majrooh

MORE BY Meer Mehdi Majrooh

    nīchī nazroñ ke vaar aane lage

    lo bas ab jān-o-dil Thikāne lage

    merī nazroñ ne kyā kahā yārab

    kyuuñ vo sharmā ke muskurāne lage

    maslahat tark-e-jaur thā chande

    phir usī hathkandoñ pe aane lage

    jalva-e-yār ne kiyā be-ḳhud

    ham to aate un ke jaane lage

    sab ka.aba hai manzil-e-maqsūd

    ham to aage qadam baḌhāne lage

    kyā kahīñ āmad-e-bahār huī

    kyuuñ garebāñ pe haath jaane lage

    gar haqīqat-nigar ho chashm to vo

    jalva har rañg meñ dikhāne lage

    ham ko rabt-e-guzishta yaad aa.e

    vo jo ban-Than ke ghar se jaane lage

    bas yahī ġhāyat-e-tasavvur hai

    hijr meñ lutf-e-vasl aane lage

    us sarāpā bahār ke jalve

    rañg kuchh aur na khāne lage

    kyuuñ ki fursat adū se tum ko milī

    jo tasavvur meñ mere aane lage

    be-ġhizā ke to rah nahīñ sakte

    na milā kuchh to zahar khāne lage

    baat bantī nazar nahīñ aatī

    ab vo bāteñ bahut banāne lage

    aaj 'majrūh' zabt kar na sakā

    kyā kare jab ki jaan jaane lage

    nichi nazron ke war aane lage

    lo bas ab jaan-o-dil Thikane lage

    meri nazron ne kya kaha yarab

    kyun wo sharma ke muskurane lage

    maslahat tark-e-jaur tha chande

    phir usi hathkandon pe aane lage

    jalwa-e-yar ne kiya be-KHud

    hum to aate hi un ke jaane lage

    sab ka kaba hai manzil-e-maqsud

    hum to aage qadam baDhane lage

    kya kahin aamad-e-bahaar hui

    kyun gareban pe hath jaane lage

    gar haqiqat-nigar ho chashm to wo

    jalwa har rang mein dikhane lage

    hum ko rabt-e-guzishta yaad aae

    wo jo ban-Than ke ghar se jaane lage

    bas yahi ghayat-e-tasawwur hai

    hijr mein lutf-e-wasl aane lage

    us sarapa bahaar ke jalwe

    rang kuchh aur hi na khane lage

    kyun ki fursat adu se tum ko mili

    jo tasawwur mein mere aane lage

    be-ghiza ke to rah nahin sakte

    na mila kuchh to zahar khane lage

    baat banti nazar nahin aati

    ab wo baaten bahut banane lage

    aaj 'majruh' zabt kar na saka

    kya kare jab ki jaan jaane lage

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY