nind bhi gahri hai aur gahri hai thoDi raat bhi

niiñd bhī gahrī hai aur gahrī hai thoḌī raat bhī

aur sitam is par ye hai ki sard haiñ jazbāt bhī

aisā koī dīda-var ho to mujhe batlā.īye

dekh kar paḌh le mire chehre se jo hālāt bhī

pahle merī raah meñ kāñTe bichhā.e be-shumār

phuul kī phir de gayā hai vo mujhe sauġhāt bhī

giḌgiḌā kar maiñ ne rab se māñgī hai bas ye du'ā

haath bhī māñgā tumhārā aur tumhārā saath bhī

pahle merī maañ ne mere haq meñ kī dil se du'ā

muskurā kar rakh diyā phir sar pe mere haath bhī

maiñ isī ik fikr meñ Duubā huā huuñ āj-kal

zahr kyoñ lagtī hai 'ahmad' us ko merī baat bhī

nind bhi gahri hai aur gahri hai thoDi raat bhi

aur sitam is par ye hai ki sard hain jazbaat bhi

aisa koi dida-war ho to mujhe batlaiye

dekh kar paDh le mere chehre se jo haalat bhi

pahle meri rah mein kanTe bichhae be-shumar

phul ki phir de gaya hai wo mujhe saughat bhi

giDgiDa kar main ne rab se mangi hai bas ye du'a

hath bhi manga tumhaara aur tumhaara sath bhi

pahle meri man ne mere haq mein ki dil se du'a

muskura kar rakh diya phir sar pe mere hath bhi

main isi ek fikr mein Duba hua hun aaj-kal

zahr kyon lagti hai 'ahmad' us ko meri baat bhi