nind ka sona meri aankhon se pighla der tak

niiñd kā sonā mirī āñkhoñ se pighlā der tak

maiñ guzishta raat bhī be-bāt jaagā der tak

likh gayā hai jaane kyā chehre pe lamhoñ kā ġhubār

dekhtā rahtā huuñ ā.īne meñ chehra der tak

us galī ke saare ghar ḳhāmosh the tārīk the

jaane kyoñ raushan rahā thā ik darīcha der tak

chaap ubhrī aur phir ḳhāmoshiyoñ meñ kho ga.ī

ik madhur naġhma mire kānoñ meñ gūñjā der tak

maiñ akelā thā saḌak par duur tak koī na thā

vo na jaane kaun thā kis ne pukārā der tak

nind ka sona meri aankhon se pighla der tak

main guzishta raat bhi be-baat jaga der tak

likh gaya hai jaane kya chehre pe lamhon ka ghubar

dekhta rahta hun aaine mein chehra der tak

us gali ke sare ghar KHamosh the tarik the

jaane kyon raushan raha tha ek daricha der tak

chap ubhri aur phir KHamoshiyon mein kho gai

ek madhur naghma mere kanon mein gunja der tak

main akela tha saDak par dur tak koi na tha

wo na jaane kaun tha kis ne pukara der tak