nind se mujhko jagata hai chala jata hai

Jahanzeb Sahir

nind se mujhko jagata hai chala jata hai

Jahanzeb Sahir

MORE BYJahanzeb Sahir

    niiñd se mujh ko jagātā hai chalā jaatā hai

    vo mire ḳhvāb meñ aatā hai chalā jaatā hai

    aur meñ Tek haTātā nahīñ darvāze se

    ishq āvāz lagātā hai chalā jaatā hai

    chheḌ vo raag lahū aañkh se nikle dil

    to bhī kyā giit sunātā hai chalā jaatā hai

    merā kirdār kahānī meñ faqat itnā hai

    koī rotā huā aatā hai chalā jaatā hai

    roz-e-avval thakā haarā musāfir ik din

    bojh kāñdhoñ se girātā hai chalā jaatā hai

    ek tabqa to ka.ī nasl se is duniyā se

    ḳhvāb āñkhoñ meñ sajātā hai chalā jaatā hai

    tujh ko ma.alūm nahīñ terī talab lamha

    kitnī sadiyoñ ko miTātā hai chalā jaatā hai

    jis tarah se ye zamīñ ghuum rahī hai sāhir

    baat aise vo ghumātā hai chalā jaatā hai

    nind se mujh ko jagata hai chala jata hai

    wo mere KHwab mein aata hai chala jata hai

    aur mein Tek haTata nahin darwaze se

    ishq aawaz lagata hai chala jata hai

    chheD wo rag lahu aankh se nikle dil ka

    to bhi kya git sunata hai chala jata hai

    mera kirdar kahani mein faqat itna hai

    koi rota hua aata hai chala jata hai

    roz-e-awwal ka thaka haara musafir ek din

    bojh kandhon se giraata hai chala jata hai

    ek tabqa to kai nasl se is duniya se

    KHwab aankhon mein sajata hai chala jata hai

    tujh ko malum nahin teri talab ka lamha

    kitni sadiyon ko miTata hai chala jata hai

    jis tarah se ye zamin ghum rahi hai sahir

    baat aise wo ghumata hai chala jata hai

    Videos
    This video is playing from YouTube

    Videos
    This video is playing from YouTube

    Javed Naseem

    Javed Naseem

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY