nind to main kama ke lata hun

niiñd to maiñ kamā ke laatā huuñ

ḳhvāb lekin churā ke laatā huuñ

tum shajar ko zarā dilāsā do

maiñ parinde bulā ke laatā huuñ

aks ke aag meñ utarne tak

aa.ine meñ sajā ke laatā huuñ

le to aatā huuñ dasht āñkhoñ meñ

pāniyoñ ko dikhā ke laatā huuñ

phal kī qismat hai pak ke gir jaanā

aur maiñ Tahnī hilā ke laatā huuñ

mujh ko mujh bin kahīñ nahīñ hai qarār

shahr saarā ghumā ke laatā huuñ

rāsta jugnuoñ kā aadī hai

maiñ diye ko bujhā ke laatā huuñ

aap kyoñ tīrgī se laḌte haiñ

raushnī ko manā ke laatā huuñ

aag laatā huuñ maañg ke lekin

apnā qissa sunā ke laatā huuñ

nind to main kama ke lata hun

KHwab lekin chura ke lata hun

tum shajar ko zara dilasa do

main parinde bula ke lata hun

aks ke aag mein utarne tak

aaine mein saja ke lata hun

le to aata hun dasht aankhon mein

paniyon ko dikha ke lata hun

phal ki qismat hai pak ke gir jaana

aur main Tahni hila ke lata hun

mujh ko mujh bin kahin nahin hai qarar

shahr sara ghuma ke lata hun

rasta jugnuon ka aadi hai

main diye ko bujha ke lata hun

aap kyon tirgi se laDte hain

raushni ko mana ke lata hun

aag lata hun mang ke lekin

apna qissa suna ke lata hun